يااااااااااااااااااااه
الدنيا دى وحشة بشكل
كل يوم الواحد بيكتشف الموضوع ده و فعلا اللى يعيش يا ما يشوف
كنا و احنا صغيرين يقولولنا متكلمش حد ما تعرفوش و ما تفتحش الباب لحد غريب وكلام كتير من ده و كنا دايما نطنش و نقول الناس دى عبيطة والا ايه و كنا بنعمل اللى احنا عايزينه و ضاربينها طناش
بس لما الواحد كبر و بدأ يعرف الدنيا و يشوف و يسمع و يحس ويلاقى الولد بيقتل أبوه و أمه عشان الفلوس و الواحد بيخون صاحبه وكل واحد بيعض فى التانى .......... عرفت انها دنيا وحشة اوى ما تستاهاش الواحد يزعل عشانها
ساعات ببقى خايف أتجوز عشان اولادى ما شوفوش دنيا زى دى
دنيا المحترم فيها ما يعرفش يعيش والطريق المستقيم ما يأكلش عيش
دنيا قلة الادب فيها هى لغة الحوار و الفلوس فيها هى لغة التعامل
ساعات ببقى نفسى ارجع طفل صغير من غير مسؤليات ولا معاملات و افضل كده على طول عايش للعب و الجرى و التنطيط
يا ترى ممكن؟؟؟؟؟؟؟؟؟
