انا مش عارف الناس بنكره الشتا ليه
عملهم ايه بس
عارفين يعنى ابه الشتا؟
الشتا ده يعنى الدفا كله
يعنى تقعد تحت البطانية فى عز البرد ملك
تعرف تعمل كده فى الصيف؟
لأ طبعا
الشتا يعنى تصحى من النوم الصبح على صوت المطر الرقيق
بيعز ف أحلى سيمفونية على قزاز الشبابيك
الشتا يعنى تروح الكلية الصبح فى العربية و صوت المطر على السقف بيقولك النهاردة هيبقى يوم من اجمل ايام الكلية
ليالى الشتا يعنى تقعد قدام التليفزيون تحت البطانية برضو و حواليك العيلة كلها تحت البطاطين
و تبصوا لبعض و تلاقى كل واحد ودانه لونها أحمر وتقعوا على الارض من الضحك
ليالى الشتا يعنى تسهر بالليل تكلم حبيبتك و صوت المطر تالتكو
أو لما تسافر تسهر تسأل المطر هترجع امتى
و هتقولها ايه لما ترجع
ليالى الشتا يعنى تسهر تقرا كتاب بتحبه اوى و تدوب فيه لحد لما النوم يتسحب لعينيك
و لو انت عايش فى اسكندرية و مش بتحب الشتا
يبقى تصحى بابا الصبح و تقوله يا بابا احنا لازم نسيب البلد دى
اجمل شتا ..... شتا اسكندرية
احلى ايام عندى أجازة نص السنة عشان بقضيها هناك
يعنى ايه السنة تعدى من غير ما اتمشى على الكورنيش بالليل تحت المطر
و اسهر على الكورنيش اكلم البحر و يكلمنى
واحكيله و يحكيلى
الشتا يعنى اجمل فصول السنة
No comments:
Post a Comment